حركت الروح لمن فاركتهم

بجيت ومن دموعي غركتهم

شكال الكلب لمن ودعتهم

حركت الروح

حركت الروح

حركت الروح لمن فاركتهم

أودعهم واكول شلون انساهم

يا كلبي الخاطر الله روح وياهم

اريد الموت انا وما اريد فركاهم

اريد الفاركوني بعد مشوار

أريد أنطيهم الدلال تذكار

وانا بحسرات دلالي حركتهم

حركت الروح لمن فاركتهم

اودعهم وانوح ودمعتي تجري

وانا العبرات كلها مكسرة بصدري

ياربي شلون وانت بحالتي تدري

أون وانحب على حظي ونصيبي

شلون اكدر بعد انسى حبيبي

وان بكل المصايب شاركتهم

حركت الروح

حركت الروح ..لمن فاركتهم!!

أودعهم وعذالي يشوفوني

إجوا لا للشماتة ولا يلوموني

إجوا بفراق حبابي يسلوني

عذولي قالولي بلوة جفاهم

شلون أقدر بعد أترك هواهم

حركت الروح

حركت الروح ..لمن فاركتهم!!

أغنية حرقت الروح لمن فارقتهم