الرقعة زغيره ياخلق الله والشق جبير
ياناس الابره ماتحفر بير واليحجي يبتلي على عمره
والساكت خانقته العبره والطايح رايح حشه قدره
والعايش عايش بالقدره من زاخو لحدود البصره
ومن نقرة سلمان البدره والله واحدنا خلص صبره
شيسوي وشيدبر أمره
المن يحجي ويفضح سره ومنهو اليسمع ومنهو اليقره
شنهي العيشه الكدره المره
,,,,,,,,,,,,,,,,,,,
الواحد صبره مو صبر ايوب يصبر جم مره يصبر جم دوب
كل يوم مغيمه ومغبره ومظلمه الدنيا ومصفره
ده تعجج وتزخها بمطره وتخلي الوادم متحيره
وكل واحد غرقان ابحره ويضربلك جف يمنه ويسره
وكل واحد سكران بخمره يعربد ويهدد بالثوره
ذاك من ذاك اللي نقدره المضحي بمصلحته الخطره
وصاحب مبديء ويحمل فكره
,,,,,,,,,,,,,,,,,,
اسكت لا تحجي تبتلي خلي يلعبون الشوملي
ان شرقت وان غربت عوجه علي مله علي
قول الدنيا وبيها وقمره
من زاخو العقره لحدود الفاو وكلمن من كتره
ضاربله كلاو وياهو التلزمه مطلع صدره
وشايف نفسه الحاكم بامره كلها تدور سلطه وامره
براسي وراسك احنا الفقره
حتى موظفنا الهكبره نافخ نفسه ويحجي بنتره
ولو راجعته يقولك بكره جلمه واخره اطلع ره
الله يعينه ول لله دره للحافي وبطرك الوزره
وللي محد لازم ظهره
من بعد العسره لابد تيسير يردلها القدره
ووكلشي بتدبيرناقوط الحب قطره وقطره
والاصلاحي تنفذ مره
الشجر اليابس لاتزبره اشلعه من عرقه ومن جذره
العضو الفاسد لو مانبتره نظل نتالم ونجر حسره
لو ظلت على هاذي المجرى تتواجه بالدار الاخره
لكن بلجن نطفر طفره نصبح لربيع وقمره
ولابد بعد العسر ويسره

أغنية الرقعة صغيرة