Lessa Faker

لسا فاكر قلبي يدي لك أمان
ولّا فاكر كلمة حتعيد اللي كان
ولّا نظرة توصل الشوق والحنان
لسا فاكر كان زمان

كانت الأيام في قلبي دموع بتجري
وانت تحلالك دموعي وهي عمري
ياما هانت لك وكانت كل مره
تمحي كلمة من آمالي فيك وصبري
كلمة كلمة لما راح الهوى ويا الجراح
واللي قاسيته في ليلي اتنسى ويا الصباح
النهار ده الحب والشوق والحنان
لما تسألني أقولك
كان زمان كان زمان
لسا فاكر كان زمان

ياما حليت لك آهات قلبي
وهيّ من قساوتك
انت والأيام عليّ
كنت تسمعها نغم واسمع صداها
نار تدوب حبنا شوية شوية
النغم رجعت حلاوته القلب وفضلك قساوته
والهوى اللي هان عليّ ابتديت تعرف غلاوته
النهار ده الحب سيرة كان وكان
لما تسألني أقولك كان زمان
لسا فاكر كان زمان

والليالي كنت بتسمي الليالي
لعبة الخالي وهي عمر غالي
كنت أبات أسأل عليك ظني ودموعي
وانت متهني بحيرتي وانشغالي
قل لي إيه قصدك معايا
بعد ما عرفنا النهاية
انت جيت مشتاق لحبي
ولا لدموعي وأسايا
النهار ده الحب سيره كان زمان
لما تسألني أقولك كان زمان
لسا فاكر كان زمان

كلمات: عبدالفتاح مصطفى
ألحان: رياض السنباطي
غناء: أم كلثوم