Asheq El Rouh

ليه ليه ليه ليه يا عين ليلى طال..

ليه ليه ليه ليه يا عين دمعى سال..

يا عيونى حبايبى ليه هجرونى ..

ليه يناموا وانتى تصحى يا عيونى ليه ليه

يا ليلى عينى اشتكت من طول سهادى ياليل....

والكاس فى ايدى اتملت من دمع عينى ياليل..

وكام من فجر صحيته وصحانى على عهودى..

وحتى العين فى غفلتها بتصحى دموعها فى خدودى.

تسبح فى الفضا شاغل شغلنى عن حطب عودى ..

وهبت وجودى علشانه وعمرى ما عشت لوجودى..

ضحيت هنايا فداه.....اشهد عليه يا ليل.

وهعيش على ذكراه..اشهد عليه يا ليل..

هايم على دنياه زى الضحى والليل ..يا ليل ..

وكل دا وانتا مش دارى يا ناسينى وانا جنبك ..

حاولت كتير ابوح واشكى واقرب شكوتى منك ..

لقيتك فى السما عالى وانا فى الارض مش طايلك..

حضنت الشكوى فى قلبى وفطمت الروح على املك..

عشقت الحب فى معبد بنيته بروحى وكيانى..

وخليت الامل راهب مالوش عندى امل تانى.

انور شمعتى لغيرى ونارها كاوية احضانى..

وابيع روحى فدى روحى...وانا راضى بحرمانى..

وعشق الروح مالوش اخر لكن عشق الجسد فانى