Login
Available Pitches Looking for another pitch?
Pitch A 
Pitch D 
ست الحبايب ياحبيبة يا أغلى من روحي ودمي
يا حنينة وكلك طيبة يارب يخليكي يا أمي
يا رب يخليكي يا أمي يا ست الحبايب يا حبيبة
زمان سهرتي وتعبتي وشلتي من عمري ليالي
ولسه برضه دلوقتي بتحملي الهم بدالي
انام وتسهري وتباتي تفكري
وتصحي من الآدان وتيجي تشقري
يا رب يخليكي يا أمي يا ست الحبايب يا حبيبة
تعيشي ليا يا حبيبتي يا أمي ويدوم لي رضاكي
أنا روحي من روحك انت وعايشه من سر دعاكي
بتحسي بفرحتي قبل الهنا بسنة
وتحسي بشكوتي من قبل ماأحس أنا
يا رب يخليكي يا أمي يا ست الحبايب يا حبيبة
لو عشت طول عمري أوفي جمايلك الغالية علي
أجيب منين عمر يكفي وألاقي فين أغلى هدية
نور عيني ومهجتي وحياتي ودنيتي
لو ترضي تقبليهم دول هما هديتي
يا رب يخليكي يا أمي يا ست الحبايب يا حبيبة
كلمات: حسين السيد
ألحان: محمد عبدالوهاب
