Gana El Hawa

جانا الهوى جانا
ورمانا الهوى رمانا
ورمش الأسمراني
شبكنا بالهوى
آه ما رمانا الهوى ونعسنا
واللي شبكنا يخلصنا
دا حبيبي شغل بالي
اه يابا يابا شغل بالي

يا راميني بسحر عنيك الاتنين
ما تقوللي واخدني ورايح فين
على جرح جديد والا التنهيد
ولا عالفرح موديني
أنا بسأل ليه واحتار كده ليه
بكرة الأيام حتوريني
خلينا كده على طول ماشيين

عدّينا يا شوق عدّينا
على بر الهوى رسّينا
دنا عمري معاك وهوايا هواك
عدّينا يا شوق عدّينا
زوق يا نسيم خطاوينا
ويا نجوم السما ضمينا
وخدينا بعيد وحدينا
وخلينا كده علي طول ماشين

طوحنا يا هوى يا هوى طوحنا
وأمانة ما يوم يا هوى تجرحنا
وتقرّبنا ما تبعدنا وتفرّحنا بحبايبنا
وان خدنا الشوق ريّحنا
خلينا كده على طول ماشين

كلمات: محمد حمزة
ألحان: بليغ حمدي