Dak Khilkeh Ya Sabi

ضاق خلقي يا صبي
من هالجوّ العصبي
ضاق خلقي ضاق خلقي

يا صبي الـ ما بتفهم من نظرة ولا بحتّى حكي
مانِعْني إفْعَل أو إئتي أيّا حركة
بتحكي وبتصير ما بتسمع
وإذا جاوبتك مرّة بتفقع
مطوّقني بحبّك ومسيّج من حولي الدنيا وعَ جَنَبي

يا صبي شكّك ما بينفع شو بينفع يا ترى
مين قلّك تستسهل تكذب دايماً ع مرا
وبتوعد إنّو بتتغيّر
ما الهيأة والأمل زغيّر
مبارح عالوصلة مفتّشلي غراضي ومفتّحلي علبي

ضاق خلقي يا صبي
لأ مش كلّو بسببي
ضاق خلقي ضاق خلقي

كلمات وألحان: زياد الرحباني
غناء: فيروز