لأيام الأيام أيام القهر والظلام

وا فينك يا عويسة فين الشان والمرشان
شحال غيرتي من عباد شحال صفيتي من سياد بلا شفقة بلا تخمام إيليييي
حرقتي الغلة وسبيتي الكسيبة
وصكتي النسا كيف النعام ويتمتي الصبيان بالعرام إيلييي
كي الشيخ كي العم كي المقدم كاع منك طالبين التسلام
وا فينك يا عويسة فين الشان والمرشان ايليييي
تعديتي وخسرتي الخواطر ظنيتي القيادة للدوام وا لجيد ما بقالو شان وا لرعواني زيدتيه القدام
سيرا عيسى بن عمر ياوكال الجيفة يالقاتل الخوت ويا محلل الحرام
ولا باس ولاباس وا لابا س
بالي تهلك بلا قرطاس ياك خالي توا المعاشات على ما دار فيا وفات
وا؟؟ باطل أفراح وليلات ما دام الأرواح تزهقات
هاك لويزك صرفوا نحاس عليك لي مايسواش هاك لويزك دقو حديد فرج العالي مازال قريب
لاباس ولا باس ولا باس هاك الدق بلا قرطاس
يا بن عمر يا مهجج اللامات يابن عمر يامهرم الفراقات يا مشتت العلاقات وما بقى قد ما فات
وا حالفين الجمعة مع الثلاثاء يا عويسة فيك لابقات
دار السي عيسى قالو خلات وقابلا المعاشات ياك تغيطي وتجبرنتي ياك غليتي وطلعتي بلا تاويل بلا حكمة بلا قياس حكمتي وا يا الحاضر بلغ الغايب قولو للشايب راه الغدر عيب
وايا قابدي قول انا متايب ربي كبير وقريب ما يطرد الظالم ولا سايب
يا خربوشة يا زروالة يا الكريدة يا العبدية
راك حرة وشريفية منها يتير ولد التمرية
واخا قتلني وا خا خلاني راني ماندور بلادي راني زايدية
يا خربوشة يا زروالة يا الكريدة يا العبدية
راك حرة وشريفية منها يتير ولد التمرية
واخا قتلني وا خا خلاني راني ماندور بلادي راني زايدية
وا دخلني عليها ازروالة بالصالحين والأولياء
وا ادخلني عليه بالتيجاني سيدي حمد مول الوضيفة
مولاي عبد السلام الحاضي الوليدية
واخا قتلني وا خا خلاني راني ماندور بلادي راني زايدية
يا خربوشة يا زروالة يا الكريدة يا العبدية
راك حرة وشريفية منها يتير ولد التمرية لا سماحة ليك الأيام

أغنية الأيام الأيام