بدي اخطب لخيي
عروس عيونا خضرا
حلبية اما شامية
من دمر أو عين الخضرا
حمصية والا حموية
تصبر عالحلوة والمرا

من دوما ولا بلودان
خصرها يا عود الرمان
من طرطوس من القامشلي
أو من معرة نعمان
تعجبني بنت الهامة
بتزينها هالقامة
و الله يحقق أحلامي
بعروس عيونها خضرا

من تدمرأو من بقيل
أو من درعا ولا منين
لادقانية من الساحل
من الحسكة يا نور العين
و على إدلب بأمرق مره
و على جبلة بإرمي نظرة
بلكي بأحضى لخيي
بعروس عيونها خضرا

الموال

زاغت عيوني كتر ما شافت حلا
كل البنات بدور لا أحلا و لا
مما علمت لخيي بيحصللي شرف
بنات بلادي و النظرة فيهم صلاه
يا هلي إي يا عيوني

تل أبيض و دير الزور
يا سعدو يللي بيدور
بصدنايه ولا بحرستا
بيلاقي بنات الحور
و قالو إلي بيخطب قالو
من بانياس نيالو
بنية تحقق آمالو
بعروس عيونها خضرا

بسويدا حضينا بخيين
شب و بنت و نحنا تنين
قلبي صار يرقص و يزلغط
و خيي أسروه العينين
وعملنا أكبر فرحه
و لبسنا أحلى طرحة
عيونه السودا سحروني
و عروستنا عيونها خضرا

بدي أخطب لخيي
........

أغنية بدي أخطب لخيي