افرحوا يا حبايب لفرحنا
القالب : اغاني البلد : مصر المغني : عبد اللطيف التلباني الكاتب : فتحي قورة
التسجيلات النادرة المشابهه
الكلمات
عبد اللطيف التلبانى
إفرحوا ياحبايب لفرحنا النمر اهي بانت ونجحنا
عقباله يارب نقولهاله كل اللي حيقعد مترحنا
إفرحوا ياحبايب ياحبايب
ياماكنت بقضي اليل صاحي بين كتبي وقلمي واوراقي
وشهور وانا بحلم بنجاحي واتمني الفرحة لزملائي
دا العلم في ايدنا سلاح وما فيهش النوبة سماح
ويا رب تزيدنا نجاح
عقباله يارب نقولهاله كل اللي حيقعد مترحنا
إفرحوا ياحبايب ياحبايب
حنولع ميت شمعة وشمعة ونغني في عيد مستقبلنا
وان خدنا اجازة من الجامعة نقضيها في اعمال تشغلنا
واللي علي خدوده نشوف دمعة حنقول له اهتم وحصلنا
واتعب علشان ترتاح دي حلاوة الدنيا كفاح
وتعب ينتهي بنجاح
عقباله يارب نقولهاله كل اللي حيقعد مترحنا
إفرحوا ياحبايب ياحبايب
______________