حبينا بعضنا .. وبحنا بسرنا

عئبالكو زينا .. ونبئا كلنا .. فى الهوا سوا

بصيت له و ئلت له .. من غير ما اكلمه

وشكيت له و بحت له .. و ئلوبنا سلمو

و درينا حبنا .. لحد ما فاض بنا

اتارينا كلنا .. فى الهوا سوا

ايامي اتغيرت .. غيرها بنظرته

وحياتي نورت .. نورها بطلعته

والجو راء لنا .. من حسن حظنا

وبئينا كلنا .. فى الهوا سوا

الئلب لو فضي .. إيه تبئى فايدته

ايام و تنئضي .. ماتحس بدئته

ياما حبو ئبلنا .. وحبو بعدنا

وطلعنا كلنا .. فى الهوا سوا

يا دنيا و النبي .. ساحراني ضحكتك

بس اوعي تغضبي .. و تداري بهجتك

وخلي اللى هنا .. يحبو زينا

ونبئا كلنا .. فى الهوا سوا

شوف

أغنية حبينا بعضنا