هاي خدود لو لالة
اشلون عيون جتالة
يا يمة دشوفي هواي
سن الذهب يحلالة

****
سبحان الخلق وردة و عجنه ابنور
محبوبي ورد وخدودة من بلور
ماكو بالانس مثلة ولا بالحور
اشحدة الكمر يدنالة
ما يتخايل اكبالة

****

يا يمة الولف بعيونة سابيني
ينشر بالزلف لمن يحاجيني
دليني الدرب لهواي وديني
خلي اكعد اكبالة
و احرك كًلب عذالة

***
محبوبي كمر و الشمس وجناتة
اسمر و السمر ماتو بحسراتة
بخدودة الحسن مكتوبة آياتة
روحي و الكًلب مالة
وسط الكًلب تمثالة
---------

أغنية هاي خدود لو لالة