ساكن قصادي . . . وبحبه . . . وأتمنى اقابله

فكرت أصارحه . . . لكن أبدا مأقدرش أقوله

وفضلت استنى الايام فى معاد مايسهر ومعاد ما يرجع

كل خطوة أرسم احلام تكبر ف قلبي والقلب يطمع

وأقول مسيره ح يحس بيا لو يوم صادفني وسلم عليـا

حيلاقي صورته ساكنه في عينيا ويحس بيها فى رعشة ايديا

كنت حاسه أن حـبـه كل ماده كان بيكـبــر

أبقى عايزه لو يكون لي قلب غير قلبي الصغيـر

فضلت أمالي . . مع الليالي

تقرب حبيبي اللى ساكن قصادي . . . وبحبه

وفي يوم صحيت على صوت فرح بصيت من الشباك

زينـه وتهـاني وناس كتيـر دايـرين هنـا وهنـاك

شاورولي بإيديهم وقالولي عـقـبـالك

هللت م الفرحه . .. وسألت قالو جارك

جارك حبيبي اللى ساكن قصادي . . . وبحبه

رحت الفرح بالليل ورسمت في عينيا الفرحـه

ساعة ما كان بيشيل بإيديه وبعينيه الطرحه

شربت شرباتهم وانا قاعده بصالهم

لحد ما قاموا ومشيت اوصلـهـم

حتى الأمل ما بقاش من حقي أفكر فـيـه

بعد الليله دي خلاص بقى غيري أولى بيه

وتهـت وسـط الزحـام مـا حـد حاسس بي

عايزه أجري وأرجع أتوه والناس يقولوا حاسبي

ناس فى طريق النور . . ما بين فرح وشموع

وأنا فى طريق مهجور . . ومنـوراه الدموع

ولقيتني فايـتـه من جنب بـابه

لاهو داري بقلبـي ولا باللي نابه

يا ويلي يا ويلي من طـول غيابه

وياويل ايامي من جرح عــذابه

عذاب الجرح اللى فاتوهلي وسابه

ساكن فى قلبي وساكن قصادي . . . وبحبه

حبيبي ساكن . . حبيبي ساكن قصادي وبحبه

أغنية ساكن قصادي