يا فاتح نفوسنا
القالب : اغاني البلد : مصر المغني : عزيز عثمان المؤلف الموسيقي : ابراهيم فوزي الكاتب : فتحي قورة
التسجيلات النادرة المشابهه
الكلمات
يا فاتح نفوسنا وسادد نفوس
يا رازق ضيوفنا في أوضة الجلوس
إلهي ما تحرمنا من ده غموس
وإكفينا يارب شر الفلوس
آمين آمين .. اللهم آمين
دبحنا مخلل وحمرنا فول
وصحتنا تيجي على أم الخلول
وساعة بطونا تتوه العقول
وكلنا وحلينا بالعرقسوس
بحق الفراخ البدارى السمان
وريحة الكباب اللي عند الجيران
ما تحكم علينا بقولة جعان
لنصبح عروس القليه العروس
آمين .. آمين .. اللهم آمين
محسوبك بمعدة تهد الفولاذ
وزي الرحايا بتطحن إزاز
غيرنا ده ماله يا عالم بحاله
ميقدرش ياكل وعنده الفلوس
إلهى ما تحرمنا من ده غموس
وإكفينا يارب شر النفوس
آمين .. آمين .. اللهم آمين