غلاب يا هوى

غَلَّاب يا هوا غَلَّاب
ذوبت قلوب الأحباب
والناس عشانك غنت
مواويل في الخصام والعتاب
غَلَّاب يا هوا غَلَّاب

غلاب وبتغلب ياما
عشاق دايبين في الهوى
ولا تاهوا وقالوا توبوا
ولا داقوا يا عيني دوا
وسنين وايام بيلفوا وراك
وتبتعب بيهم هنا وهناك
ولا عاشق كان
في يوم يتحدّاك
وعندما تمر نسماتك
تفتح كل الأبواب
والناس عشانك غنت
مواويل في الخصام والعتاب
غَلَّاب يا هوا غَلَّاب

غَلَّاب ومَالكْش كبير
وعجيب أمرك وخَطِير
تدخل القلب بنظرة
يعشق بلا تفكير
وساعتها يطير النوم من العين
والراحة يا عيني نجيبها منين
عجيبة يا قلبي
إننا راضون
نتعذب ونقول أهلاً
بألذ وأحلى عذاب
والناس عشانك غنت
مواويل في الخصام والعتاب
غَلَّاب يا هوا غَلَّاب

إبراهيم رأفت
ألحان: إبراهيم رأفت