خلاص لاترجع

خلاص لاترجع ترانا سلينا
ما كنت أصدق يوم إني أنساك

في بعدكم ياما عليكم بكينا
واليوم ماتطري على البال طرياك

وأنا أدري إنك رغم صدك تبينا
لا شك ناسٍ ضدنا تقصر خطاك

من سكرة الحب الصناعي صحينا
حتى المجالس عفتها خوف ذكراك

خل الذي غير حنانك علينا
يعطيك من قلبه ربع ما عطيناك

بأحلام ليلي لو خيالك يجينا
قضيت تالي الليل في دفن ذكراك

وش عاد لا صار السلام بيدينا
قلبي وقلبك بينها دارت أفلاك

ودعت ماضي حبنا وإنتهينا
وقلبٍ نسيته آه لابد ينساك

ذكراك يا غدار هانت علينا
حتى دموع العين فرحت بفرقاك

حبٍ جديدٍ غير حبك لقينا
حديتني جعل الليالي تحداك

كلمات : عبدالله العليوي
ألحان وغناء : سلامة العبدالله