حلو الحلو بكل خصاله

حلو الحلو بكل خصاله
الا دلاله ميعجبنيش
قالوا بيهجر قولت وماله
يهجر يهجر بس يعيش
حلو الحلو

قالوا الحلو مافهش وحاشة
غير بيوعد ولا يوفيش
دا اللي فتح قلبى بطفاشة
ثم قابلني ما كلمنيش
قولتلوا رد يا باشا يا باشا
قاللي لابوها متفلقنيش
وبيعجبني اكمن جماله
وقة سكر سنترافيش
حلو الحلو

كل ما افوت من قدام داره
يشوف وشي يسد الشيش
قلبي وعقلي عليه احتاروا
وبيتخانقوا الحق يا شاويش
طب يحيا الحب وتسقط ناره
اللي تولع ولا تطفيش
طب ما انا احسن من عزاله
زي الجزمة ميقلعنيش
قالوا بيهجر قولت وماله
يهجر يهجر بس يعيش
حلو الحلو

كلمات: فتحي قورة
ألحان: محمد الموجي
غناء: شكوكو