شكل تاني

شكل تاني حبك انت شكل تاني
حب غالي حب ناره مدوباني
حتى لما بتنسى مره
وتعاتبني بكلمة مرة
العتاب المر برضه
له حلاوة
شكل تاني حبك انت

خوفوني من هواك قبل ما احبك خوفوني
قالوا ياويله اللي يسكن جنب قلبك قالوا ياويله
قلت هو ده اللي ناره مخوفاني
هو ده اللي قلبه يبقى شكل تاني

السنين فاتت وأنا مش داريه بيها
من حنانك والهنا اللي بيجري فيها
والساعات وياك بتجري في ثواني
كل ثانية ليها دقة شكل تاني

مره وحده قاسيت و داريت
غصب عني من سكوتي
كنت حاسه انك سامعني
من جمالك من حنانك
يومها وانت بتصالحني
كنت عايزه اقول لك قوم خاصمني
مش بقول لك حبك انت شكل تاني
حب غالي حب ناره مدوباني

كلمات: حسين السيد
ألحان: محمد عبد الوهاب