آه واويلاه من عمٍ ظلوم

آه واويلاه من عمٍ ظلوم
بعد ما أبويا رقد تحت التراب
القمر لا غاب ما تفيد النجوم
وعسى بيتً عقب عمره خراب

كيف ابهجع وأهتني في حل نوم
وأمسح ادموعن مثل طش السحاب
بعد ما حكمي على اسرتنا عموم
صرت أنا بعيونهم مثل الذباب

ارتدي للمدرسه بـ أردى الهدوم
وبنت عمي ترتدي اغلى الثياب
وان طلبته حاجة فيها لزوم
صد عني دون يعطيني جواب

طال همي وأغتيابي واللجوم
آه يادنيا التعاسه والعذاب
مرحباً يا قبر فيك اب رحـوم
وعسى يجزاه ربي بالثواب

ليت من قبره ولو ساعه يقوم
يشهد اللي صابني بعز الشباب
فوق ما عندي من احزان وهموم
جوزوني شايب قذر الثياب

فوق ما عندي من احزان وهموم
جوزوني شايب قذر الثياب
الدقيقه كنها تسعين يوم
ليتني ارقد معه تحت التراب

كلمات: عبد الكريم العياش
ألحان: حميّان خليفة
غناء: بدر الغريب