عيني بترف يا حبة عيني

عيني بترف يا حبة عيني
ياللي سرقت النوم من عيني
خير انشالله ده بعدك والله
والله ده بعدك كان على عيني

ميلي يا حلوة على الجنبين
والله ما شافت زيك عيني
جبتي الحسن ده كله منين
واعمل إيه لو غاب عن عيني
خدتي القلب بنظرة عين
ياللي في بعدك ما نامت عيني
وعلى عيني جمالك على عيني
على عيني دلالك على عيني

هنّي القلب فحبك يوم
ياللي خيالك قدَّام عيني
خلِّي عِنيَّ تشوف النوم
لمَّا تصالحي النوم على عيني
لاموا عليَّ وكتر اللوم
خلُّوا هواكي صلوة عيني
وعلى عيني اجيلك على عيني
وعلى عيني اسيبك على عيني

كلمات: فتحي قوره
ألحان: محمود الشريف
غناء: كارم محمود