اكثر من اول احبك

اكثر من اول احبك بس ما ابغى اقول
اخاف لو قلت تتغلى علي مرة
انا بصراحه احبك حب مو معقول
اكبر دليل لغلاتك غيرتي مرة
شوف دمعتي لهفتي حتى العيون تقول
احلى كلام احفظه ويضيع من نظرة

لما تقوللي احبك التفت بذهول
من فرحتي فيك تخنق صوتي العبرة
لا غبت احس الدقايق في الغياب تطول
وتشب في غيبتك وسط الحشى جمرة

كل البشر حبهم قطرة غلا وميول
حبك بحر وش تجي عند البحر قطره
ما ابالغ ان قلت وان بالغت انا المسؤول
انا اصدق احساس في الدنيا على فكره

كلمات: منصور الشادي
ألحان: ناصر الصالح