على حسب وداد

على حسب وداد قلبي يا بوي
راح أقول للزين سلامات
سلامات سلامات سلامات
على حسب وداد قلبي يا بوي
ضيعت عليه العمر يابوي
دنا ليا معاه حكايات
حكايات حكايات حكايات
على حسب وداد قلبي يا بوي
على حسب وداد قلبي يا بوي

موال الصبر أهو داب
من يوم الحب ما غاب
ولا عمري ياعيني ياليلي
يا ليل يا عين يا ليلي
ما تقرب لينا أحباب
وأنا صابر عالمقسوم
يمكن يرجع لي في يوم
وتكون لي معاه تاني يابوي
أيام حلوة وحكايات
حكايات حكايات حكايات
على حسب وداد قلبي يابوي
على حسب وداد قلبي يابوي

على حسب الريح ما يودي الريح
ما يودي الريح ما يودي
وياه أنا ماشي ماشي
ماشي ولا بيدي
معرفش إن كنت مروح
ولا إمتى الهوى حيهدي
معرفش إن كنت مروح
ولا إمتى الهوى حيهدي
واهي دنيا بتلعب بينا
يمكن ترجع غناوينا
واهي دنيا بتلعب بينا
يمكن ترجع غناوينا
وتكون لي معاه تاني يابوي
أيام حلوة وحكايات
حكايات حكايات حكايات
على حسب وداد قلبي يابوي
على حسب وداد قلبي يابوي

لا حسلّم بالمكتوب
ولا حرضى أبات مغلوب
وحقول للدنيا يا دنيا
أنا راجع للمحبوب
ونغنّي أغاني جديدة
مليانة حكاوي سعيدة
وحننزل توب الفرحة يا بوية
وأقول يا حبيبي سلامات
سلامات سلامات سلامات
على حسب وداد قلبي يابوي
على حسب وداد قلبي يابوي

كلمات: عبدالرحمن الأبنودي
ألحان: بليغ حمدي
غناء: عبد الحليم حافظ