قلبي ومفتاحه

قلبي ومفتاحه دول ملك ايديك
ومساه وصباحه بيسالني عليك
قلبي ومفتاحه ومفتاحه دول ملك ايديك

كان حبك شمعة في يوم عيدي
وطفاة دمعة وتنهيدي
من يوم ما ايديك لمست ايدي
وكأنك قلت يا نار قيدي
ومادام مشغول يا حبيبي
مش كنت تقول يا حبيبي
ده القلب جراحه من رمش عنيك
ومساه وصباحه بيسالني عليك
قلبي ومفتاحه ومفتاحه دول ملك ايديك

يا حبيبي يا ريت ابقى حبيبك
واكون من بختك ونصيبك
دا انا مهما بتقسى برضه راضي بك
وتسبني الروح قبل ما اسيبك
قلبي عمل ايه يا حبيبي
ليه تقسى عليه يا حبيبي
وحشته افراحه من شوقه اليك
ومساه صباحه بيسالني عليك
قلبي ومفتاحه ومفتاحه دول ملك ايديك

ياللي ما يصعبش عليك غالي
وفي بحر هواك الموج عالي
والكلمة الحلوة اللي في بالي
تحرم لو غيرك قالهالي
قلبي الحيران يا حبيبي
وعيني كمان يا حبيبي
هجروني وراحوا هايمين حواليك
ومساه وصباحه بيسالني عليك
قلبي ومفتاحه ومفتاحه دول ملك ايديك

كلمات: فتحي قورة
ألحان: فريد الأطرش