قمري البان

تَرَى مَا كَان بِيْنَك وِبِيْنِي
تِفِرِّق بِيْن نُوْمِي وُعِيْنِي
رَحَم حَال الشَّرِيف الحُسِيْنِي
لِي فِيك حَاب
قُمْرِي الْبَان أُنْسِي مَعَك طَاب

تعامل مهجتي بالقساوة
ونا مقدر لهذي العداوة
رحم يا ذي انت كلك حلاوة
القلب ذاب
قُمْرِي الْبَان أُنْسِي مَعَك طَاب

ويا ما كان بيني وبينك
ووينك مني اليوم وينك
منعت العين من شوف زينك
والظن خاب
قُمْرِي الْبَان أُنْسِي مَعَك طَاب

وعينك دوب تبدي السراير
وتحكي بالذي في الضماير
تعاتبنا وترجع تخابر
بعد العتاب
قُمْرِي الْبَان أُنْسِي مَعَك طَاب

تجمّل عوّد أيام مرت
على شاطئ الوداد استقرت
وحليت جم وبعدين قرّت
وامست عذاب
قُمْرِي الْبَان أُنْسِي مَعَك طَاب

وبعد ارحم وجد بعض ساعة
وقل لي ان كان عاد شي نفاعة
وغير الدمع ما شي شفاعة
ولا العتاب
قُمْرِي الْبَان أُنْسِي مَعَك طَاب

كلمات: حسين محمد البار
ألحان: حسين أبوبكر المحضار
غناء: محمد جمعة خان