بتروحلك مشوار

قالت بتروحلك مشوار قلتلا يا ريت
قالت لكن أوعى تغار حواليِّ العشاق كتار
قلتلا بطَّلت خليني بالبيت

قلتلا مكسَّر تكسير ما بمشي هيك مشاوير
قالت لي اسمع مني وروح واللي بده يصير يصير
عشت كتير وشفت كتير وغيرك ما حبيت
قلتلا بطَّلت خليني بالبيت

قالت لي أوعى تهتم انشالله ما بتشوف الهم
قلتلا راح اللي راح مليتي لي قلبي جراح
قلتلا من هالاخبار قلّة ما انهمّيت
قلتلا بطَّلت خليني بالبيت

موال:
احبابي وين ما راحوا يحلون بقلبي وعقدة همومي يحلون
كاس المر بالمبسم يحلون ويصبح كاس طيِّب للشراب

تاري الحب فنون فنون وما بيعلق غير المجنون
قالت لي ما عندك قلب قلتلا غيَّرت الدرب
لا راح اعشق ولا رح حب وهالمرَّة تربَّيت
قلتلا بطَّلت خليني بالبيت

كلمات: عبدالجليل وهبة
ألحان: فيلمون وهبة
غناء: وديع الصافي