غريبين وليل

غريبين وليل بساحة اجتمعوا
صيف وحرب وليل صدفة واجتمعوا
لا سألها من وين ولا منتلاقى وين
يمكن حكيو العينين وبالسّر توجّعوا
غريبين وليل راحوا ما تودّعو

مش وقتك يا هوى ولا إيامك إيام
يا عينين الغرام اتركيني بسلام
مش وقتك يا هوى يا لفتات الهوى
اللي ما إلها دوا أنا والله حرام

غريبين وصيف من لفتي تغيّروا
و نجماتك يا صيف السني ما زهّروا
ما حدا عالطرقات غير عسكر وخيالات
صور من المسافات ع غفله بيحضروا
غريبين وصيف بالخطر يسهروا

كلمات:منصور الرحباني
ألحان: منصور الرحباني
غناء: غسان صليبا