غزال مر كالبدر

غزال مر كالبدر
لمحته وانشرح صدري
جميل فايج بزينه
يشابه طلعة الفجر

سبتني نظرة عيونه
وله حيّات مقرونة
غضيض اخر لونه
وخده لامعٍ يصري

خجلني يوم لاقيته
وهو رايح يبغى بيته
وباشرني وحييته
وتيّم يا ملا فخري

وتّيمني وخلاني
عليه أنوح ولهان
وانا وياه توهان
ولا دلّيت وين أجري

بجرّ النوح واشيع
من الليعات متوجع
وقلبي مغرم مضيع
وخالي البال ما يدري

أدير الفكر مجروح
وجرحي لاحق الصوح
حبيبي لو طلب روحي
انا بفداه بالعمر

انا بفداه بعيوني
حبيب الروح مظنوني
أحبه لو يعذلوني
ولا يقوى على صبري

مصابي من تصاويبه
وعوقي هو بيدري به
وانا للناس ما تصيبه
ومنه مالي عذر

كلمات:محمد سليل
ألحان: علي بروغة
غناء: علي بروغة