حمال الأسية

حمال الأسية ظالمينك حبايبي
وبتنسى الأسية طول عمرك يا قلبي
بينسوك الحبايب ولو طال الغياب
تروح تسأل عليهم ولا يردوش جواب
ولك في الحب دقه عارفها كل باب
تسامح اللي ينسى ويعذر اللي غاب
وغلبت اشتكيهم وتقول دول حبايبي
حمال الأسيه يا قلبي حمال الأسيه

اقولك دول فاتونا فاتونا تقولي دا كلام
واقولك يلا نهجر تقولي لا لا لا حرام
بقى موش حرام عليهم عذابك في الغرام
واحنا اللي حرام علينا لو نطلب يوم خصام
يخاصموك وتصالحهم وتقول دول حبايبي
حمال الأسيه يا قلبي حمال الأسيه

كلمات: حسين السيد
ألحان: محمد عبد الوهاب
غناء: فايزة أحمد