حرقت الروح

حركت الروح لمن فارقتهم
بكيت ومن دموعي غرقتهم
اش قال القلب لمن ودعتهم
حرقت الروح لمن فارقتهم

اودعهم واقول اشلون انساهم
يا قلبي الخاطر الله روح وياهم
اريد الموت انا ولا اريد فرقاهم
اريد الفارقوني بعد مشوار
اريد انطيهم الدلال تذكار
انا بحسرات دلالي احرقتهم
حرقت الروح لمن فارقتهم

اودعهم وانوح ودمعتي تجري
انا العبرات كلها مكسرة بصدري
يربي اشلون وانت بحالتي تدري
اون وابكي على حظي ونصيبي
يذوب الصخر من يسمع نحيبي
انا بكل المصايب شاركتهم
حرقت الروح لمن فارقتهم

اودعهم وعذالي يشوفوني
أجو لا للشماتة ولا يلوموني
أجو بفراق أحبابي يسلوني
عذولي صارلي سلوة بجفاهم
شلون أقدر بعد أترك هواهم
وانا بكل المصايب شاركتهم
حرقت الروح لمن فارقتهم

غناء: عفيفة اسكندر
كلمات: سيف الدين ولائي
ألحان: أحمد الخليل