حلوين من يومنا والله

حلوين من يومنا والله وقلوبنا كويسة
وبقدم أحلى فرحة ومعاها ميت مسا
يا ليل طول شوية
ع الصحبة الحلوة ديه
الغالي علينا غالي
ولا عمرة بيتنسى
حلوين من يومنا والله والله وقلوبنا كويسة

يا ليل ابعت سلامي للناس الطيبة
فكرهم بالمحبة و بأيام الصبا
وابدر أفراحى غنوة
يجعل أيامنا حلوة
وتعيش الفرحة دايماً فى قلوبنا قريبة
ياليل طول شوية ع الصحبة الحلوة ديه
دا الغالي علينا غالي
ولاعمره بيتنسى

الشوق سهران ويّانا والحب يضمنا
والدنيا أهي فرحانة بتغنّي لفرحنا
واسقينا عالأماني نفرح بالحب تاني
أصل انت الحب كله يا حبيبنا كلنا

ابدر افراحى غنوة يجعل أيامنا حلوة
وتعيش الفرحة دايماً فى قلوبنا قريبة
ياليل طول شوية ع الصحبة الحلوة ديه
دا الغالي علينا غالي
ولاعمره بيتنسى

كلمات: علي السوهاجي
ألحان: سيّد مكاوي