جمرة غضى

جمرة غضى اضمها بكفي اضمها حيل حيل
ابي الدفا لو تحترق كفي
وابي سفر لليل
بردان انا تكفى ابحترق ادفا
لعيونك التحنان وبعيونك المنفى

عيونك سفر لليل
والله الجفا برد وقل الوفا برد
والموعد المهجور ما ينبت الورد
يا حبي المغرور ياللي دفاك شعور
رد القمر للنور و باقي العمر في وعد
بردان انا تكفى ابحترق ادفا
لعيونك التحنان و بعيونك المنفى

اوقد لهب بصوتك وهذا حطب روحي
احرق شتا الغربة
حاكيني بسكوتك تنده لك جروحي
سنين الجفا الصعبة
يا شوقي الاعصار
لك يا بعيد الدار
جفنه المطر و النار
جمرة غضى

كلمات: بدر بن عبدالمحسن
ألحان: طلال مداح