خضرة يا بلادي خضرة

خضرة يا بلادي خضرة رزقك فوار
محروسة بعين القدره تبقى هالدار

اول ما الشمس بتوعى علينا بتطل
تخلي الليل من شموعا انواره تهل
بجناينها المزروعه ياسمين وفل
طفل وطفله دلوعه يسقوا الازهار

ينطوا من شجره لشجره تيلموا عشوش
ومن راس التوته الخضره شو نقو كبوش
طفله وما عمرها عشره تحمل منكوش
وطفل يقلها يا سمرا مشي مشوار

الدني بعينيهم بسمه ونغمه عصفور
وفوق شفافن مرتسمي هالات النور
ساعه يحكوا عالرسمه ساعه بسرور
بالاخر متل النسمه يعودوا عالدار

كلمات: مارون كرم
ألحان: وديع الصافي