لا تضايقون الترف

لا لا لا تضايقونه التَّـرفِ لاتضايقونه
لالا خلَّوه يجني مِن حَياتـه ثُمرهـا

لالا وحرامِ مِن عُقب الرِضى تِزعِلونه
لالا شُوفوا عُيونه كِثرِ نوحَه دَمرها

لالا أغليه لو كِلَّ المَـلا يرخِصونـه
لالا لاحَلِ في دِنيا غَرامي عَمرهـا

لالا ماتَفهَمون الحُـبِ ماتفهمونـه
لالا فوق الخَيال وعنكُم الله سترها

لالا ولاصرت أنا مَحروم لاتِحرِمونه
لالا خلَّوا هَبايب نجدِ تنثر شعرهـا

لالا أجي وأروح بنظرِةٍ مِن عُيونـه
لالا ولين أظلمت دِنياي نُوره غَمرها

لالا والقلبِ مايسمع ولو تِعذلونـه
لالا والرَّوح عِنده بالِّلواحظ أسرها

لالا هذا الأمل تكفون لا تِقطعونـه
لالا لأجله لِذيذ النَّوم عيني هَجرها

كلمات: خالد الفيصل
ألحان: محمد عبده