ليلية بترجع يا ليل

ليلية بترجع يا ليل وبتسأل عالناس
وبتسقيهن يا هالليل كل واحد من كاس
غيبلك شي ليلة يا ليل وإنسانا يا ليل، يا ليل

ليلية العينين السود بيطلوا يبكوني
غزلوني على صوت العود غنية وغنوني
قلتلي خبيني بقلبك وإنسيني
يا زهر القناطر فتح هالميل وهالميل
غيبلك شي ليلة يا ليل وإنسانا يا ليل، يا ليل

أنا مش سودا بس الليل سودني بجناحه
مرقوا الخيالة على الخيل تركوني وراحوا
ندهتلن راحوا لا وقفوا ولا ارتاحوا
معهن حبيبي ما سمعني بعدوا، وبعدوا الخيل
غيبلك شي ليلة يا ليل وإنسانا يا ليل، يا ليل

غناء: فيروز
الأخوين رحباني
ألحان: فيلمون وهبه