لمّا الباب

لما عالباب يا حبيبي منتودع
بيكون الضو بعدو شي عم يطلع
بوقف طلع فيك وما بقدر أحكيك
وبخاف تودعني وتفل وما ترجع

بسكر بابي شوفك ماشي عالطريق
بفكر أنزل أركض خلفك عالطريق
وتشتي عليي ما تشوفك عينيي
وأنا أركض وراك مدلك ايديي
وأندهلك أنطرني حبيبي وما تسمع

ما رح ترجع بعرف إنن غيروك
يا حبيبي وعذبوني وعذبوك
سهروا عينينا وفرقوا أيدينا
وصرنا كتير نخاف اذا نحنا تلاقينا
ما بنتلاقى الا وقت اللي منتودع

كلمات: جوزيف حرب
ألحان: فيلمون وهبه
غناء: فيروز