ما أقدر على الفرقة - احساس العالم

أنا ما اقدر على الفرقة ولا تقدر على فرقاي
ولا غيرك ملا عيني ولا غيري ملا عينك
ولو طالت مسافاتي على دربك تسير خطاي
ينور دربك أحساسي يوصلني عناوينك

تعال نجدد الماضي نعيش أحلامنا بالجاي
أضم أيدينك بقلبي وأقول من الوله وينك
حرام الوقت يسرقنا ولا تسمع صدى شكواي
نضيع عمرنا في البعد وأنت الوصل بيدينك

أحب الحب من حبك و حبك روحي و معناي
ولو أجمع جمال الكون كله ما وصل زينك
أحس أنك هنا عمري و رغباتي و كل مناي
تشوف أحساس هالعالم أحسه بيني و بينك

كلمات: سعد آل سعود
ألحان: عبدالله الرويشد
غناء: عبدالله الرويشد