رقيق المشاعر

يا رقيق المشاعر وين راح الحنان
ليه ما شلت قلب طاح قدام عينك
الزمن هو زمانك والمكان المكان
وآخر الشعر كلمة تسألك عنك وينك

من تقهويت صوتك سولف الزعفران
عاد وشلون فنجان لن تمده يمينك
تذكر شلون كنا والزمان كيف كان
يوم لا غبت عنك ما أسمع إلا ونينك

أشعر بخوف ما أدري كنت أحس بأمان
يكفي إن جيت يمك طار فيني حنينك
إش كثر كنت وافي وأقرب الناس خان
بس أثق فيك حتى لو عيوني تدينك
زان عمري بقربك يعني الوقـت زان
حتى جرد القصايد ربعت في يدينك

طول عمري وأنا لاوي اذراع الهوان
شفت يومك بعيني من هو يقدر يهينك
مذكر إني نسيتك وأذكرك من زمان
وأذكر إني ضحية بين قلبي وبينك
تدري وش جابني لك لا تقول الحنان
جيت أبشيل قلب طاح قدام عينك

كلمات : عطالله فرحان
ألحان : طلال سلامة
غناء : طلال سلامة