صدقيني

صدقيني قلبي يحكي لك حقيقة
صدقيني ما أرى غيرك ملاك
من أجل وصلك باتخذ أيّة طريقة
ما أبالي لو طريقي لك هلاك

بعدك ولا غيابك على نفسي ما أطيقه
كيف أجاهد روح تشقى من غلاك
شرع الخطا يا زين عم الخليقه
وإن هفا شوقي معك أبغى رضاك

يا زمان اللوم احرق لي وثيقه
طيها دستور بظلمه وطاك
منهو فينا أو في البشر ما نشف ريقه
كم قيل عنهم الشقي هذا وذاك

الشك من طبعك وباحساسك رقيقه
مقبولة عندي ولوهذا عطاك
روحي تنادي لك بصرخة غريقه
يا مغرقتها ليش عيني ما تراك

كلمات: خالد عبدالرحمن
ألحان: خالد عبدالرحمن
غناء: خالد عبدالرحمن