يا خفيف الروح

يا خفيف الروح كيف انتوا
يا شفا قلبي من اعواقه
ارحموني لو تكرمتوا
بالوصل وانا من اشفاقه

مر وقت لي ولا بنتوا
انتظر من طول فراقه
ارحموا ذا الروح لا هنتوا
لي لكم بالشوق تواقه

ما زهى لي الوقت لو ما انتوا
انت سعد القلب و اشواقه
انتوا ياللي بي تملكتوا
بالرضا و الطيب واخلاقه

ارحموا من به تحكمتوا
من جفاه النوم ما ذاقه
في سويدا القلب شيدتوا
منزلٍ ماحد قد فاقه

بخفيٍ اما بي اذا عدتوا
لا يشيع السد و اشواقه
الصواب لي بيّه لي صبتوا
عالجوها النفس معتاقه

غاية منايه اذا جدتوا
بعدكم لي نار حراقه
يا خفيف الروح كيف انتوا
يا شفا قلبي من اعواقه

كلمات: زايد بن سلطان ال نهيان
ألحان: علي كانو
غناءك ميحد حمد