يا ليت من كبرك يا سعود

يا ليت من كبرك يا سعود
سالي من الشدة والأمحان
يا دق قلبي دقة العود
لي دقه اللي يعزف ألحان

على زمانٍ ليته يْعود
صوبي ولو في بعض الأحيان
لولاه أنا ما قلت منشود
ولا هلّت دموعي مـ الأعيان

يا ونتي ونات ميهود
طايح على فراشه وعيان
شكيت لك يا زكي اليدود
يا بو يديلٍ فوق الأمتان

لي ينطلى مسك ودهن عود
والعنبري لي غالي أثمان
يا الله عسى أيامنا تعود
بوجود شخصك طول الأزمان

يا الله عسى أيامنا تعود
بوجود شخصك طول الأزمان
صلوا على أحمد عد الحشود
يوم الحشر والناس فأمحان

غناء: علي بن محبوب