يلومني لي مستريح

يلومني لي مستريح
لي في الهوى ماله طموح
يدور الدرب المريح
بين الوطايا والسفوح

الا الشهم دايم يتيح
كل الفرص دومه فروح
يقدر اظروف الجريح
لي من حبيبه به جروح

يا شيخ من ما بي اصيح
يا باني المجد او صروح
تثيب لي ابراي صريح
ما ريت غيرك لي نصوح

بي حب خل مستبيح
قتلي وأنا قابل سموح
هيمان في حبه أسيح
أزيد كل ما طال شوح

ون هب من جدواه ريح
اترد في المذبوح روح
له وحده ابحبي أبيح
وللغير حبه ما أبوح

مانع سعيد العتيبة
ألحان: ميحد حمد
غناء: ميحد حمد