شد الحزام
Treble ClefD
Bass ClefD
Treble ClefGBass ClefGهل تبحث عن درجة نغمية أخرى؟
نوتات مشابهة
الكلمات
شد الحزام على وسطك غيره مايفيدك
لابد عن يوم برضه ويعدلها سيدك
إن كان شيل الحمول على ظهرك يكيدك
أهون عليك ياحر من مدت إيدك
ماتيالله بينا انت وياه
ونستعين ع الشقا بالله
واهو اللى فيه القسمه طلناه واللى مايجيش ان شا لله ما جاء
مادام بنلقى عيش وغموس يهمك ايه تفضل موحوس
ماتحط راسك بين الرؤوس لا تقوللي لا خيار ولافقوس
ح أقولك إيه وأعيد لك إيه كله له آخر
دى خبطة جامدة وجت على عينك ياتاجر
يا وحستك دلوقت لاوارد ولاصادر
يحلها الفين حلال ربك قادر
قل لي فى عرض النبي ياحسين رايحين نلاقيها منين ومنين
والاش متجوز اثنين يادنيا غوري جاتك البين
شوفوا البخيل يفضل منحوس ولو علقوا على بابه فانوس
فلوس دي ايه سكت ياجاموس هيه السعادة فى غنا النفوس
قرب شيلني شيل عمر الشده ما تطول
لا تقولي كتير و قليل بكرا مش زي الاول
هيلا هيلا هيلا هيلا هيلا هيلا هيلا لسا
يالله بنا يالله نلحق لاكسبريس اهـو ع الرصيف
وادى احنا يا دوبك لسه ماعملناش بحق رغيف
كل المحطـات قبــــلى وبحـــرى بقت لماليـــف
يتـوب عليـنا من دى العيشــة يا لطيف يا لطيف
ما قطعوا لنا التليفونــــات وعطلوا التلغرافـــــــــــات
عمركش سمعت الدلنجات بيسافروا لها بالباسبورتات
غلب حمار اللى له حما ر يحمــله لك ست انفــــــــار
واهو السفر فى الايام دى صار ع البهايم ليل ونهــار
قرب شيلني شيل لا تقوللي كتير وقليل
عمر الشدة ماتطول بكرة نهيص زى الاول
هيلا هيلا هيلا هيلا هيلا ليصه هيلا ليصه