يا هبوب بالكوس
Treble ClefF
Bass ClefF
هل تبحث عن درجة نغمية أخرى؟
نوتات مشابهة
الكلمات
يا هبوب الكوس يالزينة
لي هبوبك دوم ذنانة
أنتي الراقد تهنينه
بالمنام وغضة أعيانه
إلا أنا في حالة شينة
خاطري مختل ميزانه
ما عرفته كيف تيمينه
تشتعل في الجوف نيرانه
وان كتبتي الخط تعنينه
خبريني وين عنوانه
كود من الأول تعرفينه
وين داره وين عربانه
صاحبي صوبني بعينه
ونقعن في الصدر تفقانه
وقمت أشوف الواحد اثنينه
من وحاشة شوف فرسانه
والجيوش الي مبارينه
والحرس يمشون في شانه
كلهم في أمره مطيعينه
بين خيّالة وهجّانة
هو دعى لي نفسي رهينة
في هواه ودوم تعبانة
ما رحمني هانني هينة
هينة اللي هدم بنيانه
أو شرات اللي زرع تينه
واصبحت في الغب عطشانة
والفلج لي لها مسوينه
قل ماه ويبس بستانه
وارتضف ديني على دينه
واصبحوا الحسود شتانه
وان شكى ماله من معينه
غير رب العرش سبحانه
وان شكى ماله من معينه
غير رب العرش سبحانه
لي خلق آدم من طينة
واخره من روضة اجنانه
ما تلام النفس مسكينة
يوم طاوع شور شيطانه
والهوى ربعي مخلينه
الا انا هايم بوديانه
والهوى ربعي مخلينه
الا انا هايم بوديانه
اتبع الزين ومظاعينه
ما عنه ردة وتركانه
هينيه حنت على هينة
ما تقيل دون معطانه
يا هبوب الكوس يالزينة
لي هبوبك دوم ذنانة
كلمات: علي بن شمة
ألحان: خالد محمد