الله يا وقت مضى
Treble ClefA
Bass ClefA
هل تبحث عن درجة نغمية أخرى؟
نوتات مشابهة
الكلمات
الله يا وقت مضى وايام مرت وين
ايام عهد الوفا ويقال يا عونه
ان كنت راضي في طريقك وشفته زين
عسى ان قلبك عند ناس يدارونه
يا ذا المعنا وش خبر طيرك الشاهين
قنص طيركم ولا بعدكم تربونه
جانه شرا توق الوحش صار له طلعين
ما حيد الطلع تم يتخايل اظنونه
ان كان طلعه هوب راكد ترف العين
يشوف الهدد من البعد غيره يهدونه
لا تهد طيرك وفوق جو السما هنتين
خايف هداده يكسر الحوم من دونه
يا بن خليفه عزوتي يا نظير العين
نداري وندري اللي بعدهم يدارونه
بالله خبرني وقلي يا كحيل العين
نفس الفتى في مركز العز مصيونه
يا عاذلي فالهوا ما تنصح المخطين
قلب المعنى يعرض حد مسنونه
أرى الحق انا لهل الهوا يتبع الجافين
يغفلون ويصدون عن طالب ديونه
أرى الحق انا لهل الهوا يتبع الجافين
يغفلون ويصدون عن طالب ديونه
مدري تعمد يا عميلي اذا ناسين
عن الحق واهل الحق للحق يوفونه
مدري تعمد يا عميلي اذا ناسين
عن الحق واهل الحق للحق يوفونه
انا اراقب بيانك غبت من حولين
هل كيف يا سيدي الذي فات تنسونه
وش لي حدث وش صار تمشي على خطين
تمشي على درب الهوا عكس قانونه
تغنم زمانك واكسبه دام وقتك زين
ترا العمر يفنى مثل زرعٍ يحشّونه
تغنم زمانك واكسبه دام وقتك زين
ترا العمر يفنى مثل زرعٍ يحشّونه
تسعد وتهنى بالمحبه مع الغالين
تهنى بخل سابق الوقت من دونه
كلمات: محمد بن راشد آل مكتوم
ألحان: ميحد حمد
غناء: ميحد حمد