فكروني
Treble ClefC
Bass ClefC
هل تبحث عن درجة نغمية أخرى؟
نوتات مشابهة
الكلمات
كلموني تاني عنك فكروني فكروني
صحوا نار الشوق الشوق في قلبي وفعيوني
رجعولي الماضي بنعيمه وغلاوته
وبحلاوته وبعذابه وبقساوته
وافتكرت فرحت وياك اد ايه
وافتكرت كمان يا روحي بعدنا ليه
بعد ما سدقت اني قدرت انسى
بعد ما قلبي قدر يسلاك و يأسى
جم بهمسة وغيروني
كانو ليه ليه ليه بيفكروني
بعد ما اتعودت بعدك غصب عني
بعد ما نسيت الأماني و المتنّي
كلمتين اتقالو اتقالو شالو الصبر مني
صحو في عيني حنينهم لابتسامتك
صحو سمعي يود كلمه من كلامك
صحوا حتى الغيرة صحولي ظنوني
وابتدى قلبي يدوبني بآهاته
وابتدى اليل يبقى اطول من ساعاته
واسهر اسمع نبض قلبي بيناديلي
روحي فيك مهما جرى أنا روحي فيك
تسوى ايه الدنيا و انت مش معايا
هي تبقى الدنيا دنيا الا بيك
اللي فات وياك يا روحي بعود اليه
واللي عشته معاك رجعت أعيش عليه
كلموني تاني تاني عنك
بعد طول حرماني منك
جرحوا الجرح اللي قرب يبقى ذكرى
سهروني أعيش لبكرة
أعيش لبكرة وبعد بكرة
يا حياتي انا كلي حيرة
ونار وغيرة وشوق إليك
نفسي اهرب من عذابي
نفسي ارتاح بين ايديك
ارتاح بين ايديك
ده الخصام والهجر وليالي الاسيّة
كل دول ما يهونوش حبك عليا
واللي جوه القلب كان في القلب جوه
رحنا واتغيرنا احنا الا هو
هو نفس الحب واكتر
هو نفس الشوق و اكتر
اللي فات وياك يا روحي بعود اليه
و اللي عشته معاك رجعت أعيش عليه
اه يا حبيبي حياتي بعدك مستحيلة
اه يا حبيبي دي الحياة ايام قليلة
ليه نضيع عمرنا هجر و خصام
واحنا نقدر نخلق الدنيا الجميلة
بالوداد والقرب تجدد حيتنا
بالحنان والحب تتبدل اهاتنا
والجاي نعيشة احلى من اللي فاتنا
القمر من فرحنا حينور اكثر
والنجوم حتبان لنا اجمل واكبر
والشجر قبل الربيع حنشوفه اخضر
و اللي فات ننساه وننسى كل أساه
يلا نلحق من الزمن ايام صفاه
الحياة من غير لقانا مش حياة
واحنا مش حنعيش يا روحي مرتين
فكروني ازاي هو انا نسيتك
انت اقرب مني ليا يا هنايا
حتى وانت بعيد عليا او معايا
تنتهي الايام تنتهي الايام
وتطوي العمر منا
وانت حبك للابد ملوش نهاية
حبك انت ملوش نهاية
كلمات: عبدالوهاب محمد
ألحان: محمد عبدالوهاب
غناء: أم كلثوم