Ana Al-Aatshan

ولا في قلبي ولا عينيّا إلا فلسطين
وأنا العطشان ماليش ميّة إلا فلسطين

ولا تشيل أرض رجليّا
وتنقل خطوتي الجاية
إلا فلسطين
أنا العطشان ماليش ميّة إلا فلسطين

عشان الأرض تتطهر ويرجع لي الشجر والدار
على طول الحدود أسهر ليالي ما تفارقش نهار
أنا الواقف في خط النار
وأنا اللي حلفت بالأزهر
أنا اللي حلفت بالأزهر
وبالأقصى وبأميّة
ولا تشيل أرض رجليّا
وتنقل خطوتي الجاية
إلا فلسطين
أنا العطشان ماليش ميّة إلا فلسطين

سلاح الثورة متدرّب على الثورة لا بد يثور
يخلّي الغرب يتغرّب يخلّي الشرق زايد نور
وكل رصاصة بتقرب
ولادي من حواليّ
ولا تشيل أرض رجليّا
وتنقل خطوتي الجاية
إلا فلسطين
أنا العطشان ماليش ميّة إلا فلسطين

كلمات: فؤاد حداد
ألحان: سيّد مكاوي
غناء: سيّد مكاوي