Asmaouni – Ya Ahl El Hawa

يا أهل الهوى قبل ما تظلموني اسمعوني
اسمعوني واسمعوني وافهموني
عشقنا ياما عشقنا
وشربنا سنين من الهوى شربنا سوا

ودبنا ياما دبنا واتعذبت قلوبنا
وف ليلة قابلوه، كلموه, سألوه
عن اسمي سألوه، عن حبي سألوه
قال ما اعرفوش ما قابلتوش
ولا شفتوش, ما عاشرتوش
قال يعني مش فاكرنا
ولا فاكر حب بينا وأيامنا سوا
قالكو ايه ما تستغربوش
هو في حد النهاردة بيفتكر

روح قول له يا قمر فاكرنا ولا ناسي
ناسينا ولا فاكر ليالي السهر
ما تقوله يا قمر
ولا انت يا قمر اتعلمت القساوة
وبقيت زي حبيبي بتنسى يا قمر حبايبك يا قمر
غريبة و مش غريبة دنيا و فيها العجايب
بتريح اللي ظلموا وبتتعب الحبايب

مين مين يخلّص مين كده يا ناس
مين مين يضيّع مني أحلى سنين
وتيجي ايام و يقول للناس، انا ما اعرفش هما مين
وآه لو الأيام بتتكلم كانت قالت عملنا ايه
وكان الحب اد ايه وراح ازاي وكنا ازاي
ودلوقتي بقينا ايه، وشوفوا بيقول علينا ايه

وف ليلة قابلوه، كلموه, سألوه
عن اسمي سألوه، عن حبي سألوه
قال ما اعرفوش ما قابلتوش
ولا شفتوش, ما عاشرتوش
قال يعني مش فاكرنا
ولا فاكر حب بينا وأيامنا سوا
قالكو ايه ما تستغربوش
هو في حد النهاردة بيفتكر

اسمعوني بقولكو ايه اسمعوني
ما تيجو بينا ننسى اللي كان
ننسى سوى غدر الزمان
ايه رأيكم بتقولوا ايه
خسارة وألف خسارة
لكن اعمل ايه

كلمات: سيّد مرسي
ألحان: بليغ حمدي
غناء: وردة الجزائرية