El Hob Elly Kan

كان ياما كان كان ياما كان
الحب مالي بيتنا
و مدفينا الحنان
زرنا الزمان سرق منا فرحتنا
والراحة والأمان
حبيبي كان هنا
مالى الدنيا عليا بالحب والهنا
حبيبي يا انا
يا أغلى من عينيّا نسيت من انا
انا الحب اللى كان
اللى نسيته أوام
من قبل الآوان
نسيت اسمى كمان
نسيت يا سلام
على غدر الإنسان
و الله زمان يا هوى زمان
و الله زمان زمان يا هوى زمان

يا حبيبي جيت أنا ليه فى الدنيا ديه إلا عشان احبك
عشان يدواب عمري من جرح غدرك بدري
شمعة وراء شمعة و تعيش انت لفرحك
ياحبيبي فداك انا و السنين اللى جيه
فداك قلبى اللى حبك
امشى فوق همى فوق دمعى و غمى
و لا تنزلش دمعه ليلة فوق خدك
حبيبي كان هنا مالى الدنيا عليٌه بالحب والهنا
حبيبي يا انا يا اغلى من عينيٌه نسيت من انا
انا الحب اللى كان اللى نسيته قوام
من قبل الآوان
نسيت اسمى كمان نسيت يا سلام

وأه من حرقة الآه
داب الحجر
وآه من قلبى جواه
حب اتقتل
آه على عشاق هوى
من غير أمل
ووأه الشكوى لله
مش للبشر
عسل ومر انت
وفاء وغدر انت
وحب العمر انت
كدبة كدبة
كدبة انت كدبة لكن أحلى كدبة
بعتها لي الزمان
رقة رقة
رقة إنت رقة لكن شوك ودمعه
وبحر من الأحزان
حبيبي كان هنا
مالى الدنيا عليا بالحب والهنا
حبيبي يا انا
يا أغلى من عينيّا نسيت من انا
انا الحب اللى كان
اللى نسيته أوام
من قبل الآوان
نسيت اسمى كمان
نسيت يا سلام
على غدر الإنسان
والله زمان يا هوى زمان
والله زمان زمان يا هوى زمان

زمان لما جيت زمان
بعد غيابك سنين
وعلى قلبى ناديت
رديت حبيبي جاني
اشتاق لحبيبه تاني
لحبي لحناني وياريتني ما رديت
زمان كان لينا بيت زمان
واصحاب طيبين يبكوا لو يوم بكيت
ويخافوا عليك يا غالي وعلي من الليالي
من همسة ومن كلمة ويدوبوا لو غنيت
زمان زمان
حبيبي كان هنا
مالى الدنيا عليا بالحب والهنا
حبيبي يا انا
يا أغلى من عينيّا نسيت من انا
انا الحب اللى كان
اللى نسيته أوام
من قبل الآوان
نسيت اسمى كمان
نسيت يا سلام
على غدر الإنسان
والله زمان يا هوى زمان
والله زمان زمان يا هوى زمان

كلمات: بليغ حمدي
ألحان: بليغ حمدي
غناء: ميادة الحناوي