Elhali Ta’bani

الحالة تعبانة يا ليلى
خطبة ما فيش
إنتِ غنيِّة يا ليلى
ونحنا دَرَاويش

إنتِ بِوادي ونحنا بِوادي
وكل لحظة تبعّدنا زيادة
أرض الْـ عنّا بلا سجادة
وإنت معوّدة تمشي عالريش

رزق الله لمّن كنتِ وكنّا
نجي لعندك وتجي لعنّا
تاري الْـ عاش حَدّك وتهنّا
صعبة يرجع وَحْدُو يعيش

احتاروا فيكِ حيّروكِ
ضلّوا حتّى غيّروكِ
لبّسوكِ تاج ملوكي
ونسيتِ أهل الطَرَابيش

خطبة ما فيش، آه
خطبة ما فيش، آه
خطبة ما فيش

كلمات وألحان: زياد الرحباني
غناء: جوزيف صقر