Kel Ma Nasnas

كل ما نسنس
من الغربي هبوب
حمّل النسمة سلام
وان لمحت سهيل
في عرض الجنوب
عانق رموز الغرام
لك حبيب ما نسى
كلمته دايم عسى
أطلب الله وأرتجيه
صبح يومي والمساء

كل زين أشهاده وانتم بعيد
منوتي ليتك معي
وإن سهرت الليل
أهوجس بك و أعيد
هل لأجلك مدمعي
انت هاجس خاطري
وإنت فرحة ناظري
يا قريب ويا بعيد
فيك أمس وحاضري

نشوتك تلعب مع قطر المطر
وانتشى قطره معك
والسحاب يطاردك بين الشجر
خالق الزين أبدعك
الندى في وجنتك
صار عطر بلمستك
والهوى غنى طرب
تستثيره بسمتك

كلمّا ضمّت عيوني منك طيف
يا بعد كل الطيوف
قلت ما مثلك على الدنيا وصيف
لا حشا مالك وصوف
لا سحاب ولا مطر
لا نسيم ولا زهر
لا طيور ولا غزل
ولا مع باقي البشر

كلمات: خالد الفيصل
ألحان: محمد عبده